ZAFAROBODDA MAJBURIYATINI UNUTGAN OTA OZODLIKDAN MAHRUM QILINDI.
Fuqarolik ishlari bo‘yicha Jizzax tumanlararo sudining ijro hujjatiga asosan, qarzdor I.B. dan undiruvchi I.F.ning foydasiga ikki nafar farzandlarining moddiy ta’minoti uchun qarzdorning oylik daromadining 1/3 qismi miqdorida aliment undirish belgilangan. Mazkur ijro hujjati, Byuroning Zafarobod tuman bo‘limi ish yurituvida bo‘lib, davlat ijrochisining ogohlantirishlariga qaramasdan qarzdor ota aliment pullarini to‘lashdan bosh tortib kelganligi sababli, qarzdorga ma’muriy qamoq jazosiga tayinlangan. Bundan xulosa chiqarmagan qarzdor belgilangan jazoni o‘tab bo‘lgandan so‘ng ham aliment pullarini qasddan to‘lamay yurgan. Holat yuzasidan unga nisbatan jinoyat ishi qo‘zg‘atilib, mazkur jinoyat ishini Zafarobod tuman sudi ko‘rib chiqib, O‘zbekiston Respublikasi JK ning 122-moddasi 1-qismi bilan aybli deb topilib, unga nisbatan 6 oy muddatga ozodlikdan mahrum qilish jazosi tayinlandi.
Majburiy ijro byurosi Zafarobod tuman bo'limi.
