Zafarobod tumanida “Imkonimsan, Barkamol avlod” shiori ostida “Ochiq eshiklar kuni” tadbiri o'tkazildi.

Jamiyat taraqqiyotida, yurt, millat taqdirida o‘sib kelayotgan yosh avlodning jismoniy va ma’naviy barkamolligi, intellektual salohiyati muhim o‘rin tutadi. O'sib kelayotgan yosh avlodga har tomonlama ma'nan va jismonan chuqur aqliy bilimga ega bo'lishlari uchun yurtimizning barcha ta'lim muassasalarida qulay imkoniyatlar yaratib berilgan. 

Joriy yilning 14-sentabr kuni Zafarobod tumani "Barkamol avlod" bolalar maktabi tomonidan "Imkonimsan, Barkamol avlod" shiori ostida "Ochiq eshiklar kuni" tadbiri tashkil etildi. Tadbirda to'garak a'zolarining mahoratlari bilan tayyorlangan ijodiy ishlar ko'rgazmasi o'tkazildi. Tadbir davomida to’garak a'zolari tomonidan ona vatan haqida she'r, qo’shiq va raqslar ijro etildi.

Zafarobod tumani hokimligi Axborot xizmati.