Зафаробод туманида “Дала маданияти – фермер мажбурияти” шиори остида семинар бўлиб ўтди.
Зафаробод туманида жорий ийлнинг 27-февраль куни С.Синдаров номли СИУ ҳудудидаги “Фориш йўллари” фермер хўжалигида “Дала маданияти – фермер мажбурияти” шиори остида семинар бўлиб ўтди.
Семинарда вилоят ҳокимининг қишлоқ ва сув хўжалиги масалалари бўйича ўринбосари О.Ш.Ашурматов, қишлоқ ҳўжалиги тизимига алоқадор вилоят ташкилот раҳбарлари, туман ҳокимликларининг қишлоқ ва сув хўжалиги масалалари бўйича ўринбосарлари, туман сектор рахбарлари ва фермер ҳўжаликлари рахбарлари иштирок этди.
Семинар давомида О.Ш.Ашурматов тумандаги “Дала маданияти – фермер мажбурияти” шиори остида бошқа фермер хўжаликларига ўрнак бўлаётган фермер хўжалиги рахбарларини вилоят ҳокимининг ташаккурномасини ва эсталик совғаларини топширди.
Семинар иштирокчилари ва фермер хўжалиги рахбарлари Фориш йўллари фермер хўжалиги томонидан “Дала маданияти – фермер мажбурияти” шиори остида амалга оширилган ишлар билан танишди.
Бундан ташқари семинарда иштирок этган мутаҳасислар томонидан фермер хўжалиги рахбарларига ғалла майдонларини бегона ўтлардан, зараркунандалардан тозалаш юзасидан тегишли тафсиялар берилди.
Зафаробод туман ҳокимлиги Ахборот хизмати.