Zafarobod tumanida “Mahalla yettiligi” uchun o‘quv-seminar bo'lib o'tdi.
Joriy yilning 27-fevral kuni Zafarobod tumani "Nurafshon" SHFYda “mahalla yettiligi” faoliyatini samarali tashkil etish bo‘yicha o‘quv-seminari bo'lib o'tdi. Seminarda O'zbekiston mahallalari uyushmasi vakili B.Qo'shboqov, Jizzax viloyat Mahallalar uyushmasi boshlig‘i o‘rinbosari M.Anorboyev, tuman hokimi v.v.b J.Adilov, sektor rahbarlari, mahallalari uyushmasi Zafarobod tuman bo'limi rahbari O'.Noraliyev va “mahalla yettiligi” vakillari ishtirok etdi.
Seminar davomida Oʻzbekiston Respublikasi Prezidentining 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo'g'in sifatida ishlashini taʼminlashga qaratilgan chora-tadbirlar toʻgʻrisida”gi PF-209-sonli Farmoni va “Oʻzbekiston mahallalari uyushmasi faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida”gi PQ-402-sonli Qarori mazmun-mohiyati va ularda belgilangan vazifalarni amalda tadbiq etish mexanizmlari yuzasidan tushuntirish va tavsiyalar berildi. Seminarda mahalla yettiligining asosiy vazifalari yuzasidan kerakli tavsiyalar berildi.
Zafarobod tuman hokimligi Axborot xizmati.