Sifatli shudgor mo'l xosil garovi.

Qishloq xo‘jaligida mo‘l hosil yetishtirishda kuzgi shudgorlashning ahamiyati juda katta. O‘z vaqtida, sifatli o‘tkazilgan shudgor kelgusi yil hosiliga puxta zamin yaratadi. Zafarobod tumanida 2025-yil hosili uchun 13661 gektar maydonda kuzgi shudgorlash ishlari amalga oshirilishi belgilandi. Joriy yilda shudgorlash mavsumiga 50 dona haydov traktorlari jalb qilingan bo‘lib, shundan 26 donasi yuqori unumli haydov traktorlari tashkil etadi. Bugungi kun holatiga (12.12.2024) tumanda 7966 ming gektar yoki 58 foiz maydonlarda shudgorlash ishlari amalga oshirilgan. “O‘zagroinspeksiya”ning Zafarobod tuman bo`limi tomonidan ushbu tadbirni joylarda sifatli o‘tkazilishi yuzasidan mavsum davomida nazorat tadbirlari o‘tkazilib borildi. Bunda avvalam bor, shudgorlash sifatiga, shuningdek belgilangan chuqurlikda, dala boshi va oxiri haydalganligiga va har bir konturning to‘rtburchak, yaʼni “konvert” qilib, simyog‘och va daraxtlar atrofini to‘liq shudgorlanishiga eʼtibor qaratildi. “O‘zagroinspeksiya” tuman bo`limi tomonidan mavsum boshidan buyon shudgorlash ishlarining sifatli o‘tkazilishi yuzasidan 87 ta nazorat tadbirlari o‘tkazildi. Aniqlangan kamchiliklarni bartaraf qilish yuzasidan, soha masʼullarga 2 ta taqdimnoma va 186 ta ogohlantirishlar berildi.