Зафаробод туманида "Биз сизни соғиндик" деб номланган концерт дастури бўлиб ўтди.

Жорий йилнинг 26 июль куни Зафаробод туман Маданият саройида Ўзбекистонда хизмат кўрсатган артист, халқимизнинг суюкли актирисаси Саида Раметова ўзининг "Биз Сизни соғиндик" деб номланган концерт дастурини намойиш қилди. Шунингдек концертда халқимиз севган ёш актёр Азиз Раметов томонидан ижро этилган энг сара қўшиқлар дастурининг янада жозибали, қизиқарли ўтишини таъминлади. Концертга ташриф буюрган мухлисларнинг шўх-шодон рақслари эса концерт дастурига янада кўтаринки руҳ бағишлади. Концерт давомида турли кўнгил очар намойишлар, саҳна кўринишлари, қўшиқлар ижро этилди. Кўтаринки руҳда ташкил этилган концерт тадбири барчага бирдек манзур бўлди.

Зафаробод туман ҳокимлиги Ахборот хизмати.