ДАВЛАТ ФУҚАРОЛИК ХИЗМАТЧИСИНИНГ ОДОБ-АХЛОҚИ ЮЗАСИДАН ЎҚУВ СЕМИНАР БЎЛИБ ЎТДИ.
Зафаробод тумани ҳокимлигида “Давлат фуқаролик хизмати тўғрисида”ги Қонуннинг мазмун-моҳияти ва Ўзбекистон Республикаси Вазирлар Маҳкамасининг 14.10.2022 йилдаги “Давлат фуқаролик хизматчилари томонидан одоб-ахлоқ қоидаларига риоя этилишини таъминлаш бўйича қўшимча чора-тадбирлар тўғрисида”ги 595-сонли қарори ижролари мавзусида ўқув-семинар бўлиб ўтди. Семинарда ҳокимликнинг масъул ходимлари, бошқарма ва ташкилотлар раҳбарлари иштирок этишди.
Ўқув-семинарда давлат фуқаролик хизматчиларининг аҳоли муаммоларини ўрганиш ва олдини олишда самарали мулоқот маданиятини ошириш, стрессли ва низоли вазиятларда давлат хизматчиларининг психологик барқарорлигини таъминлаш, шахслараро муносабатлар, зиддиятли вазиятлар ва уларни олдини олиш ҳақида сўз борди. Семинар якунида мавзуга доир видеоролик намойиш этилди.
Зафаробод туман ҳокимлиги Ахборот хизмати
Тавсия этамиз:
