“Саховат ва кўмак” жамғармаси маблағларининг йўналтирилиши тўғрисида

Халқимизнинг тарихий ва маънавий қадриятларини,  мехр-саховат, оқибат ва химмат каби юксак фазилатларини инобатга олган ҳолда аҳолини самарали ижтимоий қўллаб-қувватлаш  мақсадида “Маҳалла” хайрия жамоат фонди туман бўлинмаси ҳузурида ташкил этилган “Саховат ва кўмак” жамғармаси ҳисоб рақамига жорий йил шу кунга қадар маҳаллий бюджетлар даромадининг режадан ортиқ бажарилишидан ва суд ҳужжатлари ижроси бўйича тушган маблағларидан жами 776851,9 минг (етти юз етмиш олти миллион саккиз юз эллик бир минг тўққиз юз) сўм пул маблағлари ўтказиб берилган бўлиб, сектор рахбарлари ва тегишли маҳалла фуқаролар йиғини билан биргаликда туманда аниқланган ижтимоий химояга мухтож бўлган хонадонларнинг тасдиқланган рўйхатларига ва Халқ депутатлари туман кенгаши қарорига асосан шу кунгача жами 529 та эҳтиёжманд хонадонларнинг оила аъзолари соғликларини тиклаш, уй-жойини таъмирлаш, жарроҳлик амалиётларини ўтказиш ва бошқалар учун моддий ёрдам сифатида фуқароларнинг банк пластик карталарига жами 430900,0 минг (тўрт юз уттиз миллион тўққиз юз минг) сўм ўтказиб берилди. Бундан ташқари 200 та оилага камбағилликдан чиқариш мақсадида 58000,0 минг (эллик саккиз миллион) сўмлик 2000 дона парранда (товуқ жўжаси) билан 180 та кам таъминланган, боқувчисини йўқотган, ногиронлиги бўлган ва эҳтиёжманд оилаларга жами 54010,0 минг (эллик тўрт миллион ўн минг) сўмлик озиқ-овқат маҳсулотлари билан таъминланди. “Темир дафтар”, Аёллар дафтари” руйхатига киритилган оилаларнинг 64 нафар фарзандларини ёзги болалар оромгоҳида дам олишлари учун 70400,0 минг (етмиш тўрт миллин тўрт юз минг) сўмга оромгоҳга йўлланма олиб берилди. “Темир дафтар”, Аёллар дафтари” руйхатига киритилган оилаларнинг 10 нафар фарзандларига хатна тўйини ўтказиш учун 7000,0 минг (етти миллион) сўмлик тўй дастурхони тузатилди.

Туман ҳокимининг ўринбосари,

"Оила ва хотин-қизлар бўлими бошлиғи Ш.Мавлонова