ЗАФАРОБОД ТУМАНИДА “ЯНГИ ЎЗБЕКИСТОННИНГ ИБРАТЛИ ОИЛАСИ” КЎРИК ТАНЛОВИ ЎТКАЗИЛДИ.
15 май - “Халқаро оила куни” муносабати билан "Фаровон оила сари" шиори остида Зафаробод туман оила ва хотин-қизлар бўлими томонидан, туман Маданият марказида “Янги Ўзбекистоннинг ибратли оиласи” кўрик-танловининг туман босқичи ўтказилди. Туман босқичида тумандаги маҳалла фуқаролари йиғинларидан 10 нафар ибратли оилалар иштирок этиб, 3та шарт бўйича беллашдилар. Ҳакамлар хайъати томонидан хар бир шарт бўйича танлов иштирокчилари баҳоланди ва якуний натижаларга кўра 1-ўринни “Бирлик” маҳалласида яшовчи Арамовлар оиласи эгаллади.
Тадбир давомида туман маданият ва туризм бўлими томонидан куй-қўшиқлар ижро этилди. Тадбир якунида кўрик-танловда иштирок этган барча оилаларга туман ҳокимлиги оила ва хотин-қизлар бўлими томонидан, ташаккурнома ва эсталик совғалари топширилди. Танловда ғолиб бўлган оила танловнинг вилоят босқичида иштирок этиш ҳуқуқини қўлга киритди.
Зафаробод туман ҳокимлиги Ахборот хизмати.
Тавсия этамиз:
