Zafarobod tumanida o'quv seminar bo'lib o'tdi.

Joriy yilning 28-fevral kuni Zafarobod tumanida "Besh tashabbus olimpiadasi"ning 2024-yilgi tanlov va musobaqalariga mas'ul bo'lgan mutaxassislar ishtirokida  o'quv-seminar bo'lib o'tdi. "Besh tashabbus olimpiadasi"ni o'tkazish bo'yicha mahallalarga 28 nafar sport murabbiylari, 20 nafar jismoniy tarbiya fani oʻqituvchilari, 10 nafar yoshlar yetakchilari biriktirilgan holda ishlar tashkil etish boʻyicha ishlar taqsimlandi. Jizzax viloyat Sport boshqarmasi mutaxassisi A.Bo'ronov hamda agentlik xodimi Sh.Qobilov, tuman sport maktabi direktori O'.Axmedov, tuman Maktabgacha va maktab taʼlimi bo'limi masʼullari, tadbirlarni saviyali o'tkazish bo'yicha fikrlarini bildirib o'tdi. Seminar davomida mas'ul xodimlarning barcha qiziqtirgan savollariga javob berildi.

 Zafarobod tuman hokimligi Axborot xizmati.