Алимент ундирувлари давом этмоқда..

Бу ҳаётда фарзанд тарбияси, унинг таъминоти ҳар бир ота-она зиммасидаги ўта шарафли ва айни пайтда масъулиятли вазифа саналади. Бироқ ҳаётда ана шундай масъулиятли вазифани ўз ихтиёри билан бажаришдан бош тортадиган ота-оналар ҳам учраб туради. Албатта, бундай вазиятда қонун устуворлигини таъминлаш ва таъсирчанлигини ошириш мақсадида маъмурий ва жиноий жавобгарлик чоралари кўрилади.

Хусусан, жорий йилнинг 1-чораги давомида Мажбурий ижро бюроси Зафаробод тумани бўлими томонидан 512 млн. сўм алимент қарздорликлари ундирилган бўлса, давлат ижрочиларининг ташаббуси билан 13 нафар фуқаролар иш билан банд бўлмаган алимент тўловчилари доимий иш билан таъминланган бўлса, 11 та оилалар яраштирилишга эришилган.

Бир неча маротаба огоҳлантирилишига қарамасдан фарзанди Алимент таъминотини тўлашдан бўйин товлаб келган 12 нафар фуқаролар Ўзбекистон Республикасининг маъмурий жавобгарлик тўғрисидаги кодекси 47 прим 4 моддасига асосан жавобгарликка тортилган.

Хулоса қилиб айтганда, алимент бу қарз эмас, балки фарзанднинг у вояга етганга қадар бериладиган таъминотидир. Буни бажариш эса, ҳар бир ота-онанинг бурчидир.

Бюронинг Зафаробод туман бўлими давлат ижрочиси 2-даражали юрист Ж.Ў.Иботов