РАСМИЙ МУНОСАБАТ.
Ижтимоий тармоқларда "МАКТАБЛАРДА ҲАМ КОРРУПЦИЯ..." мазмунида хабар тарқалган.
Зафаробод тумани Мактабгача ва мактаб таълими бўлими тасарруфидаги 3-сонли умумий ўрта таълим мактаби директори Болиев Олимжон Мавлонович 2024 йил 7 сентябрда вафот этган. 2024 йил 8 сентябр куни Зафаробод тумани Мактабгача ва мактаб таълими бўлими бошлиғи мактаб жамоаси билан йиғилиш ўтказиб, ўқув ишлари бўйича директор ўринбосари Болтаев Норбой Бахромович соғлиги ёмонлиги, директор вазифасини бажара олмаслигини билдирганлиги сабабли, буйруқ асосида вақтинча раҳбар тайинлангунга қадар маънавий ва маърифий ишлар бўйича директор ўринбосари Э.Нарматовга оғзаки топшириқ асосида назорат қилиб туриш юклатилган.
Жамоа аъзоларининг таклифига кўра вакант жой учун танлов эълон қилиниб тегишли тартибда номзод тайинлангунга қадар ушбу мактабнинг биология ўқитувчиси, Халқ таълими аълочиси Қудратова Наргиза Қурбоназаровнанинг номзоди Жиззах вилояти Мактабгача ва мактаб таълими бўлими бошқармасига тавсия этилган. Жиззах вилояти Мактабгача ва мактаб таълими бўлими бошқармасининг 2024 йил 12 сентябрдаги 232-қ-сонли буйруғи билан Қудратова Наргиза Қурбоназаровнага ўрнатилган тартибда танлов асосида номзод тайинлангунга қадар директор вазифасини вақтинча бажариш юклатилган.
Зафаробод тумани 3-сонли умумий ўрта таълим мактаби директори лавозими учун танлов эълон қилингандаг сўнг Ўзбекистон Республикаси Вазирлар Маҳкамасининг 2023 йил 25 декабрдаги 681-сонли "Давлат умумий ўрта таълим муассасалари директори лавозимига номзодларнинг менежерлик ўқув курсларида ўқитиш ва уларга менежерлик сертификатини бериш тартиби тўғрисидаги Низомни тасдиқлаш ҳақида" ги Қарори асосида Директорлар Кенгаши томонидан менежерлик сертификатига эга бўлган номзод директор лавозимига тайинланишини маълум қиламиз.
Зафаробод туман ҳокимлиги Ахборот хизмати.
Тавсия этамиз:
