Ҳоким қабули: Ҳар бир мурожаат – эътиборда!

Аҳолининг дардини тинглаш ва мавжуд муаммоларни атрофлича ўрганиш мақсадида жорий йилнинг 5 август куни Зафаробод тумани ҳокимлиги биносида, туман хокими Рахманов Ўткирбек томонидан, фуқаролар қабули бўлиб ўтди. Қабулда ҳоким фуқаролар билан юзма-юз суҳбатлашиб, мурожаатларини бирма-бир тинглади.

Очиқ ва самимий мулоқот тарзида кечган қабулда уй-жой, моддий ёрдам, бандлик, тадбиркорлик ва бошқа масалаларга оид мурожаатлар келиб тушди. Муаммолар бўйича ҳоким ўринбосарлари ва бошқа тегишли ташкилотлар мутасаддилари иштирокида зарур чоралар кўрилди. Муддат талаб қиладиган мурожаатлар ечимини топиш юзасидан мутасаддиларга қатъий топшириқлар берилди. 

Шунингдек қабул давомида 2 та ажрим ёқасига келиб қолган оилаларни, оилавий муаммоси ўрганилиб яраштириш чоралари кўрилди. Қабул давомида 1 оила яраштирилиб, 1 оилага ярашиши учун муддат берилди.

 Зафаробод туман ҳокимлиги Ахборот хизмати.