Адлия бўлими томонидан Ёшлар етакчиларига ўқув-семинар ташкил этилди

Зафаробод тумани Адлия бўлими томонидан вилоят ҳокимининг 23.03.2023 йил тасдиқланган “Жиззах вилоятида 2023 йилда ёшларга оид давлат сиёсатини амалга оширишга доир чора-тадбирлар” Дастури асосида тумандаги ёшлар етакчиларига ўқув-семинар ташкил этилди.
Ўқув-семинар машғулотида ёшлар етакчиларига уларнинг ҳуқуқий саводхонлигини ошириш, соҳага тегишли норматив ҳужжатларнинг мазмун моҳиятини етказиш билан бирга, касбига садоқат ва фидойилик билан ишлаш, ёшлар билан ишлашда натижадорликка алоҳида этибор қаратиш масалаларига алоҳида эътибор қаратилиб, тегишли йўналишлар берилди.

Шунингдек, Давлат раҳбарининг 28.02.2023 йилдаги “2022-2026 йилларга мўлжалланган Янги Ўзбекистоннинг тараққиёт стратегиясини “Инсонга эътибор ва сифатли таълим йили”да амалга оширишга доир давлат дастури тўғрисида”ги ПФ-27-сонли Фармони ҳамда 07.04.2023 йилдаги “Маъмурий ислоҳотлар доирасида ёшлар сиёсати ва спорт соҳасида давлат бошқарувини самарали ташкил қилиш чора-тадбирлари тўғрисида”ги ПҚ-114-сонли қарорининг мазмун моҳияти тушунтирилди. 

 
Зафаробод туман Адлия бўлими бошлиғи Б.Икромов