SARHISOB VA REJALAR ANJUMANI ZAFAROBODDA.

Respublikamiz miqyosida davom etayotgan an'anaviy avgust konferensiyasining Zafarobod tuman bosqichi ham yuksak saviyda chiroyli ruhda o'tkazildi. Dastlab tadbirda ishtirok etgan viloyat "Maktabgacha ta'lim" boshqarmasi ta'lim sifatini ta'minlash va innovatsion texnologiyalar joriy etish bo'lim boshlig'i va "Maktabgacha ta'lim bo'lim" mudiri U. J. Jangirov o'z nutqida tizimda bo'layotgan o'zgarish va rivojlanishlar borasida fikr bildirib, kelgusidagi ishlarga omad va zafarlar tilandi. Eng muhim vazifalar borasida fikr va takliflar tinglandi.

Tadbir davomida jajji bolajonlar tomonidan kuy-qo'shiqlar va raqslar ijro etildi.

Shundan so'ng, yangi o'quv yili oldidan maktabgacha ta'lim tashkilotlarini zamonaviy axborot texnologiyalari bilan ta'minlash maqsadida, maktabgacha ta'lim vazirligi tomonidan taqdim etilgan noutbuklar tashkilot rahbarlariga topshirilib, tizimda faol mehnat qilib kelayotgan bir guruh pedagoglar e'tirof etildi.  

 Зафаробод туман ҳокимлиги Ахборот хизмати.