ХАЛҚ ДЕПУТАТЛАРИ ЗАФАРОБОД ТУМАН КЕНГАШИНИНГ НАВБАТДАГИ ОЛТМИШ ТЎҚҚИЗИНЧИ СЕССИЯСИ БЎЛИБ ЎТДИ.

Жорий йилнинг 21 июнь куни Зафаробод тумани ҳокимлигининг мажлислар залида Халқ депутатлари туман Кенгашининг навбатдаги 69-сессияси бўлиб ўтди.

Халқ депутатлари туман Кенгаши депутатлари, сектор раҳбарлари, туман Халқ қабулхонаси мудири, ҳоким ўринбосарлари, туман  адлия бўлими, Ўзбекистон Маҳаллалари уюшмасининг туман бўлими, туман иқтисодиёт ва молия бўлими, туман камбағалликни қисқартириш ва бандлик бўлими, Давлат кадастрлари палатаси туман бўлими, туман экология ва атроф муҳитни муҳофаза қилиш ва иқлим ўзгариши инспекцияси, сиёсий партиялар ва оммавий ахборот воситалари вакиллари иштирок этди.

Сессияда кун тартибида қуйидаги масалалар кўриб чиқилди:

1. Ўзбекистон Республикаси Президентининг Зафаробод туманидаги Халқ қабулхонаси томонидан туман маҳаллаларида тадбиркорликни ривожлантириш, аҳоли бандлигини таъминлаш ва камбағалликни қисқартириш бўйича келиб тушаётган мурожаатларни таҳлил қилган ҳолда ҳоким ёрдамчилари фаолиятининг натижадорлигини ўрганиш юзасидан ахбороти тўғрисида;

2. “Беш ташаббус олимпиадаси” доирасидаги лойиҳалар ғолибларини тақдирлаш учун маблағ ажратиш тўғрисида

3. Қишлоқ хўжалигига мўлжалланган ерлардан фойдаланиш ҳолатини ўрганиш натижалари тўғрисида;

4. Зафаробод туманининг маъмурий-ҳудудий чегараларини белгилаш тўғрисида;

5. Maҳалла фуқаролар йиғинларининг маъмурий-ҳудудий чегараларини белгилаш тўғрисида;

6. Зафаробод туманининг 2024 йил маҳаллий бюджетининг даромад ва харажатлар қисмига ўзгартириш киритиш тўғрисида;

7. “Обод хонадон, Обод кўча, Обод махалла” мезонлари асосида 2023 йилда туманнинг “Самарқанд” МФЙда амалга оширилган қурилиш, таъмирлаш ва ободонлаштириш ишлари учун ажратилган маблағларнинг сарфланиши тўғрисида;

8. Туман экология ва атроф муҳитни муҳофаза қилиш ва иқлим ўзгариши инспекцияси томонидан амалга оширилган ишлар тўғрисида;

9. Туманда “Яшил макон” умуммиллий лойиҳаси доирасида амалга оширилган ишлар тўғрисида.

10. Бошқа масалалар.

 Зафаробод туман ҳокимлиги Ахборот хизмати.